വൈക്കം: ഓണത്തോടനുബന്ധിച്ച് നടക്കുന്ന കയര്‍ ഉല്‍പന്ന വിപണന മേളയുടെ ഉദ്ഘാടനം മുനിസിപ്പല്‍ വൈസ് ചെയര്‍പേഴ്‌സണ്‍ നിര്‍മലാ ഗോപി നിര്‍വഹിച്ചു.
വൈക്കത്ത് പടിഞ്ഞാറെ നടയിലെ മുനിസിപ്പല്‍ ഷോപ്പിങ് കോംപ്ലക്‌സിലാണ് കയര്‍ ഉല്‍പന്ന വിപണന മേളയുടെ കയര്‍ഫെഡ് ഷോറും പ്രവര്‍ത്തിക്കുന്നത്. ആദ്യ വില്‍പ്പന മുനിസിപ്പല്‍ കൗണ്‍സിലര്‍ ശശികുമാര്‍ നിര്‍വഹിച്ചു.
മുനിസിപ്പല്‍ കൗണ്‍സിലര്‍ ബിജു കണ്ണേഴത്ത്, കയര്‍ പ്രോജക്ട് ഓഫിസര്‍ സുധാവര്‍മ്മ, കയര്‍ കോര്‍പറേഷന്‍ ബോര്‍ഡ് അംഗം എം.കെ ശീമോന്‍, കയര്‍ഫെഡ് ഷോറൂം മാനേജര്‍ സാദിഖ്, കയര്‍ വകുപ്പ് ഉദ്യോഗസ്ഥര്‍ സംബന്ധിച്ചു.