ജിദ്ദ: സഊദിയിലെ വിദേശ തൊഴിലാളികള്‍ക്ക് അടക്കേണ്ട ലെവി പുന:പരിശോധനയില്‍ പഠനം നടക്കുകയാണെന്നും ഒരു മാസത്തിനുള്ളില്‍ ഇതിന്റെ ഫലം അറിയിക്കുമെും വാണിജ്യനിക്ഷേപ മന്ത്രി ഡോ: മാജിദ് അല്‍ ഖസബി പറഞ്ഞു.പഠന റിപ്പോര്‍ട്ട് സഊദി കൗണ്‍സില്‍ ഓഫ് എക്കണോമിക് അഫയേഴ്‌സ് ആന്‍ഡ് ഡെവലപ്‌മെന്റിനു ഉടന്‍ സമര്‍പ്പിക്കുമെന്നും എല്ലാ തരം ഫീസുകളും പഠന വിധേയമാക്കുണ്ടെന്നും മന്ത്രി പറഞ്ഞു.അതേ സമയം പുന:പരിശോധന നടക്കുന്നത് രാജ്യത്തിന്റെയും സ്വദേശികളുടെയും താത്പര്യം സംരക്ഷിച്ച് കൊണ്ടാണെന്നും ലെവി നില നിര്‍ത്തലാണു ആവശ്യമെങ്കില്‍ അത് നില നിര്‍ത്തുക തന്നെ ചെയ്യുമെന്നും മന്ത്രി സൂചിപ്പിച്ചു.ഖലീജിയ ചാനലിലെ ഫിസ്സൂറ എ പ്രോഗ്രാമിലാണ് മന്ത്രി ഇക്കാര്യം അറിയിച്ചത്. 

 നിരവധി കമ്പനികളും സ്ഥാപനങ്ങളും അടച്ച് പൂട്ടിയതും, ഫ്‌ലാറ്റുകള്‍ കാലിയാകുന്നതും പൗരന്മാര്‍ക്ക് തൊഴില്‍ നഷ്ടപ്പെടുന്നതും ശ്രദ്ധയില്‍ പെട്ടിട്ടുണ്ട്. അതേ സമയം കമ്പനികളും സ്ഥാപനങ്ങളും അടച്ച് പൂട്ടുന്നതിന്റ കാരണം ലെവി മാത്രമാണെ് പറയാനാകില്ലെും അദ്ദേഹം പറഞ്ഞു.പദവി ശരിയാക്കലും, ഡിജിറ്റല്‍ വ്യവഹാരത്തിലേക്കുള്ള മാറ്റവും, സര്‍ക്കാരിന്റെ ചെലവ് ചുരുക്കല്‍ നടപടിയുമെല്ലാം ഇതിന് കാരണമായിട്ടുണ്ടെന്നും മന്ത്രി പറഞ്ഞു. നാടിന്റേയും പൗരന്മാരുടേയും നന്മ ഉദ്ദേശിച്ചാണ് റിപ്പോര്‍ട്ട് തയ്യാറാക്കിയിരിക്കുന്നത്. ലെവി പ്രത്യേക സംഖ്യയായി നിജപ്പെടുത്തുന്ന രീതിയും പരിഗണനയിലുണ്ട്.

    അതേ സമയം ലെവി വിഷയത്തില്‍ ഒരു പുന:പരിശോധന ഇല്ലെന്നായിരുന്നു സഊദി ധനകാര്യ മന്ത്രി മുഹമ്മദ് അല്‍ ജദ്ആന്‍ ബജറ്റ് അവലോകനത്തില്‍ അറിയിച്ചത്. ലെവി നേരത്തെ തീരുമാനിച്ചതാണെന്നും അതില്‍ മാറ്റം വരുത്താന്‍ ഉദ്ദേശിക്കുില്ലെന്നും അദ്ദേഹം ഉറപ്പിച്ച് പറഞ്ഞിരുന്നു.ബജറ്റ് അവലോകനത്തില്‍ ലെവിയില്‍ മാറ്റമുണ്ടാകില്ലെന്ന് ധനകാര്യ മന്ത്രി പറഞ്ഞതോടെ പ്രവാസികളുടെ അവസാന പ്രതീക്ഷയും നഷ്ടപ്പെട്ട അവസരത്തിലായിരുന്നു വാണിജ്യ മന്ത്രി ഖസബിയുടെ പ്രസ്താവന കഴിഞ്ഞ ആഴ്ച വന്നത്. ഇന്നലെ മറ്റൊരു ചാനലിനോട് അദ്ദേഹം ഇതേ കാര്യം വീണ്ടും പങ്ക് വെച്ചതോടെ പ്രവാസികളുടെ പ്രതീക്ഷക്ക് ചിറക് മുളച്ചിരിക്കുകയാണു.