തിരുവനന്തപുരം: രാജ്യത്ത് ദലിത്, ന്യൂനപക്ഷങ്ങള്‍ക്കെതിരേ വര്‍ധിച്ചുവരുന്ന അതിക്രമങ്ങളില്‍ പ്രതിഷേധിച്ച് കെ.പി.സി.സി പ്രസിഡന്റ് എം.എം ഹസന്‍ നാളെ ഉപവസിക്കും. രാവിലെ 11ന് പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. 24 മണിക്കൂറാണ് ഉപവാസം.
രാവിലെ 9.30ന് ഇന്ദിരാഭവനില്‍ കെ.പി.സി.സി പ്രസിഡന്റ് എം.എം ഹസന്‍ ദേശീയ പതാക ഉയര്‍ത്തുന്നതോടെ സ്വാതന്ത്ര്യദിനാഘോഷ പരിപാടികള്‍ക്ക് തുടക്കമാകും. കവയിത്രി സുഗതകുമാരി സ്വാതന്ത്ര്യദിന സന്ദേശം നല്‍കും. ഗാന്ധിയന്‍ പി. ഗോപിനാഥന്‍ നായര്‍ ഉള്‍പ്പെടെയുള്ളവര്‍ പങ്കെടുക്കും.
ഉപവാസം 16ന് രാവിലെ 11ന് മുന്‍ മുഖ്യമന്ത്രി ഉമ്മന്‍ചാണ്ടി നാരങ്ങാനീര് നല്‍കി അവസാനിപ്പിക്കും. സാമൂഹ്യ, രാഷ്ട്രീയ, സാംസ്‌കാരിക നേതാക്കളും സംഘടനകളും ഉപവാസത്തില്‍ പങ്കെടുക്കും.