ആലപ്പുഴ: 42മത് ദേശീയ പവര്‍ ലിഫ്റ്റിങ് മത്സരങ്ങള്‍ക്ക് നാളെ ആലപ്പുഴയില്‍ തുടക്കം. വിവിധ സംസ്ഥാനങ്ങളില്‍ നിന്നുളള താരങ്ങള്‍ മത്സരിക്കും. നിലവില്‍ ഇന്ത്യന്‍ റെയില്‍വേയാണ് ചാംപ്യന്‍മാര്‍. ധനമന്ത്രി ഡോ. ടി.എം തോമസ് ഐസക്ക് ഉദ്ഘാടനം ചെയ്യും. മന്ത്രി പി തിലോത്തമന്‍, കെ സി വേണുഗോപാല്‍ എം പി, സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍, ജില്ലാ കലക്ടര്‍ വീണാ മാധവന്‍, പൊലിസ് ചീഫ് എസ് സുരേന്ദ്രന്‍ ഐ.പി.എസ് പങ്കെടുക്കും. ഇന്ത്യന്‍ പവര്‍ ലിഫ്റ്റിംഗ് ഫെഡറേഷന്‍ പ്രസിഡന്റ് രാജേഷ് തിവാരിയും സി.ഇ.ഒ സുബ്രതോ ദത്തയും മത്സരങ്ങള്‍ക്കുളള ഒരുക്കങ്ങള്‍ വിലയിരുത്തി. ഇന്ന് വൈകിട്ട് അഞ്ചിന് താരങ്ങള്‍ക്കായുളള ഡോപ് ടെസ്റ്റ് നടക്കും.