കാസര്‍കോട്: ഡിഫറന്റ്‌ലി ഏബിള്‍ഡ് ക്രിക്കറ്റ് അസോസിയേഷന്‍ ഓഫ് കേരള ഭിന്നശേഷിക്കാര്‍ക്കായി സംഘടിപ്പിച്ച പ്രഥമ ജസ്റ്റിസ് എ.എം ഫാറൂഖ് സ്മാരക സംസ്ഥാന ക്രിക്കറ്റ് ടൂര്‍ണമെന്റില്‍ ആതിഥേയരായ കാസര്‍കോടിന് കിരീടം.
കാസര്‍കോട് മുനിസിപ്പല്‍ സ്‌റ്റേഡിയത്തില്‍ നടന്ന ഫൈനലില്‍ മലപ്പുറത്തെ എട്ടു വിക്കറ്റിന് തോല്‍പ്പിച്ചാണ് റസാഖ് പെര്‍ഡാല നയിച്ച കാസര്‍കോട് ടീം കിരീടം ചൂടിയത്. കോഴിക്കോട് മൂന്നാം സ്ഥാനം നേടി.

ടൂര്‍ണമെന്റിലെ മികച്ച താരമായി എസ്. റഹീസ് (കോഴിക്കോട്), മികച്ച ഫീല്‍ഡറായി ഹമീദ് (കാസര്‍കോട്) മികച്ച പ്രകടനം നടത്തിയ താരങ്ങളായി അബു ജീലാനി, തസ്‌വീര്‍ മുഹമ്മദ് എന്നിവരെ തിരഞ്ഞെടുത്തു. വിജയികള്‍ക്കുള്ള ട്രോഫികള്‍ എന്‍.എ നെല്ലിക്കുന്ന് എം.എല്‍.എ സമ്മാനിച്ചു. അസോസിയേഷന്‍ പ്രസിഡന്റ് ഒ.എം നാസര്‍ അധ്യക്ഷനായി.