ബംഗളൂരു: നന്മനിറഞ്ഞ പ്രവര്‍ത്തനങ്ങളില്‍ വ്യാപൃതരാവുകയും നിസ്വാര്‍ഥത അടയാളപ്പെടുത്തുകയും ചെയ്തവര്‍ മരണശേഷവും ജനമനസുകളില്‍ ജീവിക്കുമെന്നും സ്വാലിഹ് കോയ്യോടിലൂടെ നമ്മെ അതു വീണ്ടും ഓര്‍മപ്പെടുത്തുന്നുവെന്നും ആന്ധ്ര പുങ്കന്നൂര്‍ മന്‍ഹാജുല്‍ ഹുദാ ഇസ്‌ലാമിക് കോളജ് പ്രിന്‍സിപ്പല്‍ ഷറഫുദീന്‍ ഹുദവി ആനമങ്ങാട്. എസ്.വൈ.എസ് ബംഗളൂരു ജില്ലാകമ്മിറ്റി പുങ്കന്നൂര്‍ ദാറുല്‍ഹുദാ കാംപസില്‍ സംഘടിപ്പിച്ച സ്വാലിഹ് കോയ്യോട് അനുസ്മരണ സമ്മേളനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. എസ്.വൈ.എസ് ജില്ലാ പ്രസഡന്റ് സിദ്ദീഖ് തങ്ങള്‍, ജനറല്‍സെക്രട്ടറി പി.എം അബ്ദുല്‍ ലത്തീഫ്, ട്രഷറര്‍ കെ.എച്ച് ഫാറൂഖ്, വി.എം ജമാല്‍, താഹിര്‍ മിസ്ബാഹി, സുബൈര്‍ കായക്കൊടി, റഷീദ് മൗലവി, സുഹൈല്‍ ഹുദവി സംസാരിച്ചു.