തിരൂര്‍: വളവന്നൂര്‍ ബി.വൈ.കെ.വി.എച്ച്.എസ് സ്‌കൂളില്‍ സ്‌കൂള്‍ പാര്‍ലമെന്റ് തെരഞ്ഞെടുപ്പ് നടത്തി. പൊതെരഞ്ഞെടുപ്പിന്റെ നടപടിക്രമങ്ങള്‍ പൂര്‍ണമായും പാലിച്ചായിരുന്നു സ്‌കൂള്‍ലീഡര്‍, ഡെപ്യൂട്ടി സ്‌കൂള്‍ ലീഡര്‍, ക്ലാസ് ലീഡര്‍ സ്ഥാനങ്ങളിലേക്ക് തെരഞ്ഞെടുപ്പ് നടത്തിയത്.
എട്ട്, ഒന്‍പത്, പത്ത് ക്ലാസുകളിലെ കുട്ടികള്‍ക്കായി ആറ് പോളിങ് ബൂത്തുകളിലായിട്ടാണ് തെരഞ്ഞെടുപ്പ്. ഓരോ ബൂത്തിലേക്കും പ്രിസൈഡിങ് ഓഫിസര്‍, ഫസ്റ്റ് പോളിങ് ഓഫിസര്‍, സെക്കന്റ് പോളിങ് ഓഫിസര്‍, തേര്‍ഡ് പോളിങ് ഓഫിസര്‍മാരായി വിദ്യാര്‍ഥികളെ നിയമിക്കുകയും ചെയ്തു. ആണ്‍ കുട്ടികള്‍ക്കും പെണ്‍കുട്ടികള്‍ക്കും പ്രത്യേകം വരികള്‍ സജ്ജീകരിച്ചിരുന്നു.
സ്‌കൗട്ട് ആന്‍ഡ് ഗൈഡ്, ജെ.ആര്‍.സി, ഹരിതസേന അംഗങ്ങള്‍ ക്രമസമാധാനം നിയന്ത്രിച്ചു. രാവിലെ പത്ത് മുതല്‍ വോട്ടിങ് ആരംഭിച്ച് ഉച്ചക്ക് ഒന്നര മണിയോടെയാണ് ഫലപ്രഖ്യാപനം. സ്‌കൂള്‍ ലീഡറായി ഇ.കെ മുഹമ്മദലിയും ഡെപ്യൂട്ടി സ്‌കൂള്‍ ലീഡറായി വി ജഹാന്‍ ഷറിയും തെരഞ്ഞെടുക്കപെട്ടതായി മുഖ്യവരണാധികരി ശശിമാസ്റ്റര്‍ അറിയിച്ചു.