പാലക്കാട്: സാമുഹ്യമാധ്യമങ്ങള്‍ക്ക് പെരുമാറ്റച്ചട്ടം അനിവാര്യമാണെന്നും അതേ സമയം ഇവയുടെ ഉത്തമ ഗുണങ്ങള്‍ ഉള്‍ക്കൊള്ളാനും കഴിയണമെന്നും മുന്‍ മഹാരാഷ്ട്ര ഗവര്‍ണ്ണര്‍ കെ ശങ്കരനാരായണന്‍ അഭിപ്രായപ്പെട്ടു. മലമ്പുഴയില്‍ വിദ്യാര്‍ഥി ജനത സോഷ്യല്‍മീഡിയ ക്യാംപ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വിദ്യാര്‍ഥി ജനത സംസ്ഥാന പ്രസിഡന്റ് ഷംനാദ് കുട്ടിക്കട അധ്യക്ഷനായി. ജനതാദള്‍ സംസ്ഥാന സെക്രട്ടറി പ്രൊഫ ജോര്‍ജ്ജ് ജോസഫ് മുഖ്യപ്രഭാഷണം നടത്തി. മഹിള ജനത സംസ്ഥാന പ്രസിഡന്റ് ജയഗംഗാധന്‍, ജില്ലാ പ്രസിഡന്റ് നൗഫിയ നസീര്‍, യുവജനത ജില്ലാ പ്രസിഡന്റ് ആരിഫ് , ജില്ലാ സെക്രട്ടറിമാരായ കെ എസ് ജയിംസ്, സി എം കുഞ്ഞുമൊയ്തു, എം എം കബീര്‍ പങ്കെടുത്തു. ഇന്ന് വൈകീട്ട് നാലിന് ക്യാംപ് സമാപിക്കും.