തൃക്കരിപ്പൂര്‍: കണ്ണൂര്‍ സര്‍വകലാശാലയുടെ മനഃശാസ്ത്ര വിഭാഗത്തിന്റെ കിഴില്‍ ഡിപ്‌ളോമ ഇന്‍ ലേണിങ്ങ് ഡിസാബിലിറ്റി ബിരുദാനന്തര ബിരുദ കോഴ്‌സ് തൃക്കരിപ്പൂര്‍ തങ്കയത്ത് ഫാപ്പിന്‍സ് കമ്മ്യൂണിറ്റി കോളജില്‍ ആരംഭിക്കുമെന്ന് കോളജ് അധികൃതര്‍ വാര്‍ത്താസമ്മേളനത്തില്‍ അറിയിച്ചു.
ഉദ്ഘാടനം 13നു രാവിലെ 11ന് ഫാപ്പിന്‍സ് കമ്മ്യൂണിറ്റി ഹാളില്‍ എം രാജഗോപാലന്‍ എം.എല്‍.എ നിര്‍വഹിക്കും. കോഴിക്കോട് ആസ്ഥാനമായി പ്രവര്‍ത്തിക്കുന്ന സെന്റര്‍ ഫോര്‍ ഇന്‍ഫര്‍മേഷന്‍ ആന്‍ഡ് ഗൈഡന്‍സ് ഇന്ത്യയുടെ (സിജി) സെന്റര്‍ ഫോര്‍ ലേണിങ്ങിന്റെ ഭാഗമായാണ് സിജിയുടെ അക്രഡിറ്റഡ് സെന്ററായ ഫാപ്പിന്‍സ് കോളജില്‍ ഈ കോഴ്‌സ് ആരംഭിക്കുന്നത്.  
വാര്‍ത്താസമ്മേളനത്തില്‍ സി.ടി അബ്ദുല്‍ ഖാദിര്‍, പി.എം ബാകൃഷ്ണന്‍, അഹമ്മദ് ശഫീഖ്, റഹ്മത്തുല്ലാ ബദറുദ്ദീന്‍ സംബന്ധിച്ചു.