ഷൊര്‍ണൂര്‍: ഐ.പി.ടി ആന്‍ഡ് ജി.പി.ടി.യില്‍ കൂടുതല്‍ സാങ്കേതിക കോഴ്‌സുകള്‍ ആരംഭിക്കണമെന്ന ആവശ്യം ശക്തിപ്പെടുന്നു. നിലവില്‍ കോളജില്‍ പ്രിന്റിങ് ടെക്‌നോളജി, കംപ്യൂട്ടര്‍ സയന്‍സ്, ഇലക്‌ട്രോണിക്‌സ് എന്നീ ഡിപ്ലോമ കോഴ്‌സുകളുമാണുള്ളത്. സിവില്‍, മെക്കാനിക്കല്‍ പാക്കേജ് ടെക്‌നോളജി എന്നീ കോഴ്‌സുകള്‍ വേണമെന്നാണ് ആവശ്യം. കോളജിലാകട്ടെ വേണ്ടത്ര കെട്ടിട സൗകര്യങ്ങളും ഉണ്ട്. ഒരു ലാബറട്ടറി സൗകര്യം ഉണ്ടായാല്‍ കോഴ്‌സുകള്‍ ആരംഭിക്കാമെന്ന് ബന്ധപ്പെട്ടവര്‍ തന്നെ ചൂണ്ടികാണിക്കുന്നു. എല്ലാവഷര്‍വും വിദ്യാര്‍ഥിസംഘടനകളും അധ്യാപകരും ഇത് സംബന്ധിച്ചുള്ള നിവേദനങ്ങള്‍ സാങ്കേതിക വിദ്യാഭ്യാസ വകുപ്പിന് നല്‍കുന്നുണ്ടെങ്കിലും അനുകൂല നടപടികള്‍ ഉണ്ടാകുന്നില്ലെന്നു മാത്രം.