ചെറുപുഴ:   ചെറുപുഴയിലെ ടൂറിസ്റ്റ് ഹോമില്‍ യുവാവിനെ കഴുത്തറത്തു കൊലപ്പെടുത്താന്‍ ശ്രമിച്ച കേസില്‍ സുഹൃത്ത് അറസ്റ്റില്‍. കഴിഞ്ഞ ഞായറാഴ്ച്ച പുലര്‍ച്ചെ ചെറുപുഴയിലെ എ.കെ ടൂറിസ്റ്റ്‌ഹോമില്‍  പെരിങ്ങോം പെടേന സ്വദേശി കൊമ്മച്ചി നബിലിനെ(30) കൊലപ്പെടുത്താന്‍ ശ്രമിച്ച കേസിലാണ്  സുഹൃത്തും രാമന്തളി സ്വദേശിയുമായ മുഹമ്മദ് അമീനി(34)നെപയ്യന്നൂര്‍ സി.ഐ വി രമേശന്‍ അറസ്റ്റു ചെയ്തത്. മുന്‍വൈരാഗ്യത്തെ തുടര്‍ന്നാണ് മുഹമ്മദ് അമീന്‍ സുഹൃത്തിനെ കൊലപ്പെടുത്താന്‍ ശ്രമിച്ചതെന്നാണ്  പൊലിസ് പറയുന്നത്. കോടതി റിമാന്റ് ചെയ്ത പ്രതിയെ കൂടുതല്‍ ചോദ്യം ചെയ്യുന്നതിനായി പോലിസ് കസ്റ്റഡിയില്‍ വാങ്ങും. വധശ്രം നടന്ന ദിവസം തന്നെ ചെറുപുഴ എസ് .ഐ കെ. വി സ്മിതേഷിന്റെ നേതൃത്വത്തില്‍ പ്രതിയെ പിടികൂടിയിരുന്നു. കേസന്വേഷണത്തിന്റെ ഭാഗമായി കണ്ണൂരില്‍ നിന്നും ഫോറന്‍സിക് സയന്‍സ് വിഭാഗവും വിരലടയാള വിദഗ്ദരും ടൂറിസ്റ്റ്‌ഹോമിലെത്തി പരിശോധന നടത്തുകയും രക്തസാമ്പിളുകളും വിരലടയാളങ്ങളും ശേഖരിക്കുകയും ചെയ്തിരുന്നു. അക്രമത്തില്‍ ഗുരുതരമായി    പരുക്കേറ്റ നബീല്‍ പരിയാരം മെഡിക്കല്‍ കോളേജില്‍ ചികിത്സയിലാണ്.