കോഴിക്കോട്: വര്‍ഗീയ മതിലിന് ആളെക്കൂട്ടുന്നതിന് വേണ്ടി സര്‍വകലാശാലാ പരീക്ഷകള്‍ മാറ്റിവച്ചത് പ്രതിഷേധാര്‍ഹമാണെന്ന് എം.എസ്.എഫ് സംസ്ഥാന പ്രസിഡന്റ് മിസ്ഹബ് കീഴരിയൂര്‍, ജനറല്‍ സെക്രട്ടറി എം.പി നവാസ് എന്നിവര്‍ അഭിപ്രായപ്പെട്ടു.
പരീക്ഷ മാറ്റിവച്ചതിലൂടെ ജീവനക്കാരെയും വിദ്യാര്‍ഥിനികളെയും പങ്കെടുപ്പിക്കാനുള്ള ശ്രമം അപലപനീയമാണെന്നും എം.എസ്.എഫ് അഭിപ്രായപ്പെട്ടു. ഹൈക്കോടതി ഉത്തരവ് മറികടന്ന് കൊണ്ട് വിദ്യാര്‍ഥിനികളെ പങ്കെടുപ്പിക്കാനാണ് ശ്രമമെങ്കില്‍ ശക്തമായ പ്രക്ഷോഭത്തിന് നേതൃത്വം നല്‍കുമെന്നും നേതാക്കള്‍ അറിയിച്ചു.