കറാച്ചി: പാകിസ്താന്‍ ക്രിക്കറ്റ് മത്സരങ്ങള്‍ പുനരാരംഭിക്കാനൊരുങ്ങി അന്താരാഷ്ട്ര ക്രിക്കറ്റ് കൗണ്‍സില്‍. ഭീകരപ്രവര്‍ത്തനങ്ങളുടെ കേന്ദ്രമാണെന്ന് ആരോപിച്ച് പാകിസ്താനില്‍ കളിക്കാന്‍ പ്രമുഖ ടീമുകള്‍ നേരത്തെ വിസമ്മതിച്ചിരുന്നു. അതേസമയം അന്താരാഷ്ട്ര സുരക്ഷാ ഏജന്‍സിയെ മത്സരങ്ങള്‍ക്കുള്ള സുരക്ഷയ്ക്കായി നിയമിച്ചിട്ടുണ്ട് ഐ.സി.സി. ഇവരുടെ നേതൃത്വത്തില്‍ പാകിസ്താില്‍ അന്താരാഷ്ട്ര മത്സരങ്ങള്‍ നടത്താന്‍ സാധിക്കുമെന്നാണ് ഐ.സി.സിയുടെ പ്രതീക്ഷ.
പാകിസ്താനിലെ നിലവിലുള്ള സുരക്ഷയെ കുറിച്ച് പരിശോധിക്കാന്‍ ഐ.സി.സി അംഗങ്ങള്‍ ഈ മാസം അവസാനം എത്തുന്നുണ്ട്. ഇതിനുശേഷമായിരിക്കും അനുമതി ലഭിക്കുക. അതോടൊപ്പം എല്ലാ വര്‍ഷവും പരിശോധനയ്ക്കായി സുരക്ഷാ സംഘം പാകിസ്താനിലെത്തും.