പാരിസ്: യുവേഫ ചാംപ്യന്‍സ് ലീഗ് യോഗ്യതാ പോരാട്ടത്തില്‍ നാപ്പോളിക്കും സെവിയ്യക്കും ജയം. നാപ്പോളി എതിരില്ലാത്ത രണ്ടു ഗോളിന് ഫ്രഞ്ച് ക്ലബായ നീസിനെയും സെവിയ്യ ഒന്നിനെതിരേ രണ്ടു ഗോളുകള്‍ക്ക് ഇസ്തംബൂള്‍ ബസക്‌സെഹിറിനെയും പരാജയപ്പെടുത്തി.
നാപ്പോളിക്കായി മെര്‍ട്ടെന്‍സും ജോര്‍ഗിനോയും ഗോള്‍ നേടിയപ്പോള്‍ സെവിയ്യക്കായി സെര്‍ജിയോ എസ്‌കുദെറോ, ബെന്‍ യെഡര്‍ എന്നിവര്‍ സ്‌കോര്‍ ചെയ്തു. എലിയയാണ് ഇസ്തംബൂളിന്റെ ആശ്വാസ ഗോള്‍ നേടിയത്.
മറ്റു മത്സരങ്ങളില്‍ സെല്‍റ്റിക് എതിരില്ലാത്ത അഞ്ചു ഗോളിന് അസ്താനയെയും ഒളിംപ്യാകോസ് ഒന്നിനെതിരേ രണ്ടു ഗോളുകള്‍ക്ക് റിജേക്കയെയും പരാജയപ്പെടുത്തി.