ചങ്ങരംകുളം: സ്ത്രീ വേഷം കെട്ടി കറങ്ങാനിറങ്ങിയ ബംഗാളി യുവാവ് നാട്ടുകാരെ വട്ടം കറക്കി. കപ്പൂര്‍ പഞ്ചായത്തിലെ കൂനംമൂച്ചിയില്‍ വൈകിട്ട് നാലോടെയാണ് സംഭവം. കൂനംമൂച്ചിയില്‍ കണ്‍സ്ട്രക്ഷന്‍ ജീവനക്കാരനായി ജോലിക്കു വന്ന കല്‍കത്ത സ്വദേശിയായ സുഹൈല്‍ ആണ് പെണ്‍വേഷം കെട്ടി നാട്ടുകാരെ വട്ടം കറക്കിയത്. സംശയം തോന്നിയ നാട്ടുകാര്‍ ചോദ്യം ചെയ്തതോടെണ് പുരുഷനാണെന്ന് മനസ്സിലായത്. തൃത്താല പൊലിസില്‍ വിവരമറിയിച്ചതിനെ തുടര്‍ന്ന് പൊലിസെത്തി ഇയാളെ കസ്റ്റഡിയിലെടുത്തു. നാട്ടില്‍ ഇത്തരത്തില്‍ വേഷം കെട്ടി നടക്കാറുണ്ടെന്നും അത് ഇത്ര പ്രശ്‌നമാകുമെന്ന് കരുതിയില്ലെന്നുമാണ് ഇയാള്‍ പോലീസിന് നല്‍കിയ വിവരം.