കോഴിക്കോട്: ജില്ലാ ക്ഷയരോഗ കേന്ദ്രം കോഴിക്കോടിന്റയും പ്രോജക്ട് അക്ഷയയുടെയും സംയുക്താഭിമുഖ്യത്തില്‍ ജയിലിലെ അന്തേവാസികള്‍ക്ക് ക്ഷയരോഗ ബോധവല്‍ക്കരണ ക്ലാസും ക്ഷയരോഗ നിര്‍ണയ ക്യാംപും സംഘടിപ്പിച്ചു. ജില്ലാ ടി.ബി ഓഫിസര്‍ ഡോ. പി.പി പ്രമോദ് കുമാര്‍ ക്യാംപ് ഉദ്ഘാടനം ചെയ്തു. ജില്ലാ ജയില്‍ അസി. സൂപ്രണ്ട് എ. സണ്ണി അധ്യക്ഷനായി. മെഡിക്കല്‍ കോളജ് ടി.യു സീനിയര്‍ ട്രീറ്റ്‌മെന്റ് സൂപ്പര്‍വൈസര്‍ ഇ.കെ ഷിജിത്ത് ക്ലാസെടുത്തു.
ചടങ്ങില്‍ പ്രോജക്ട് അക്ഷയ കോര്‍ഡിനേറ്റര്‍ ലിജോ തോമസ്, ഐ.സി.ടി.സി കൗണ്‍സിലര്‍ ശ്രീബേഷ്, ജില്ലാ ജയില്‍ വെല്‍ഫെയര്‍ ഓഫീസര്‍ രാജേഷ് സംസാരിച്ചു. അരുണ്‍ ദേവ്, റില്‍ജു മോഹന്‍, ദീപിക നേതൃത്വം നല്‍കി.