തിരുവനന്തപുരം: ഈ വര്‍ഷത്തെ സംസ്ഥാന ഫോട്ടോഗ്രാഫി അവാര്‍ഡുകള്‍ മുഖ്യമന്ത്രി പിണറായി വിജയന്‍ ഇന്ന് സമ്മാനിക്കും. വൈകിട്ട് നാലരയ്ക്ക് സെക്രട്ടേറിയറ്റ് ദര്‍ബാര്‍ ഹാളില്‍ നടക്കുന്ന ചടങ്ങില്‍ വി.എസ് ശിവകുമാര്‍ എം.എല്‍.എ അധ്യക്ഷനാകും.
ചടങ്ങില്‍ പ്രശസ്ത ഫോട്ടോഗ്രാഫര്‍ പുനലൂര്‍ ബാലനെ അദ്ദേഹത്തിന്റെ സമഗ്ര സംഭാവനകള്‍ കണക്കിലെടുത്ത് ആദരിക്കും. അവാര്‍ഡ് നിര്‍ണയ സമിതി ചെയര്‍മാനും പ്രശസ്ത ഛായാഗ്രാഹകനുമായ അഴകപ്പന്‍ സന്നിഹിതനായിരിക്കും. ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് സെക്രട്ടറി മനോജ് ജോഷി സ്വാഗതവും ഡയറക്ടര്‍ ഡോ.കെ. അമ്പാടി നന്ദിയും പറയും.