കൊല്ലം: ഈ വര്‍ഷത്തെ ജില്ലാതല സ്വാതന്ത്ര്യ ദിനാഘോഷം 15ന് രാവിലെ എട്ടു മുതല്‍ കൊല്ലം ലാല്‍ ബഹദൂര്‍ ശാസ്ത്രി സ്റ്റേഡിയത്തില്‍ നടക്കും.
ഫിഷറീസ് വകുപ്പ് മന്ത്രി ജെ മേഴ്‌സിക്കുട്ടിയമ്മ പതാക ഉയര്‍ത്തി സ്വാതന്ത്ര്യദിന സന്ദേശം നല്‍കും. പൊലിസ്, എക്‌സൈസ്, ഫോറസ്റ്റ് ഗാര്‍ഡ്‌സ്, ഫയര്‍ ആന്റ് റസ്‌ക്യൂ, എന്‍.സി.സി, സ്‌കൗട്ട് ആന്റ് ഗൈഡ്‌സ്, റെഡ്‌ക്രോസ്, ബാന്‍ഡ് ട്രൂപ്പ്, സ്റ്റുഡന്റ് പൊലിസ് എന്നീ വിഭാഗങ്ങള്‍ അണിനിരക്കുന്ന പരേഡിന്റെ അഭിവാദ്യം മന്ത്രി സ്വീകരിക്കും. മുഖ്യമന്ത്രിയുടെ പൊലിസ് മെഡല്‍ ചടങ്ങില്‍ സമ്മാനിക്കും. മേയര്‍ വി രാജേന്ദ്രബാബു സ്വാതന്ത്ര്യസമര സേനാനികളെ ആദരിക്കും. സര്‍ക്കാര്‍ ജീവനക്കാരും പൊതുജനങ്ങളും പങ്കെടുത്ത്  വിജയകരമാക്കണമെന്ന് ജില്ലാ കലക്ടര്‍ എ. ഷൈനാമോള്‍ അറിയിച്ചു.
കൊല്ലം: നീരാവില്‍ നവോദയം ഗ്രന്ഥശാലയില്‍  ദേശീയപതാക ഉയര്‍ത്തല്‍, മധുര വിതരണം, ഹൈസ്‌ക്കൂള്‍ വിദ്യാര്‍ഥികള്‍ക്കായുള്ള ജില്ലാതല സ്വാതന്ത്ര്യ സമരചരിത്ര ക്വിസ്, സാന്ത്വനം ധനസഹായ-സമ്മാന പഠനോപകരണ വിതരണം എന്നിവയോടെ സ്വാതത്ര്യദിനം ആഘോഷിക്കും.