മുതുകുളം: കാര്‍ത്തികപ്പള്ളി ഗവ. യു. പി. സ്‌കൂളില്‍ ഹിരോഷിമ നാഗസാക്കി ദിനാചരണങ്ങളുടെ ഭാഗമായി ഗാന്ധിദര്‍ശന്‍ ക്ലബ്ബിന്റെ ആഭിമുഖ്യത്തില്‍ യുദ്ധവിരുദ്ധ ബോധവത്കരണ ക്ലാസും റാലിയും നടത്തി.
പ്രശസ്ത സാഹിത്യകാരനും റിട്ടയേര്‍ഡ് അധ്യാപകനുമായ  ചുനക്കര ജനാര്‍ദ്ധനന്‍ നായര്‍ ബോധവത്കരണ ക്ലാസ് നയിച്ചു.
എസ്. ആര്‍. ജി കണ്‍വീനര്‍ ആര്‍. രമേശിന്റെ അധ്യക്ഷതയില്‍ എച്ച്. എം സി. എ. സുഷമകുമാരി സ്വാഗതം പറഞ്ഞ ചടങ്ങില്‍ ഗാന്ധിദര്‍ശന്‍ കണ്‍വീനര്‍ കെ. ശോഭന, സീനിയര്‍ അസിസ്റ്റന്റ് എസ്. ഹംലത്ത്, അധ്യാപകരായ പി. ഷൈലജ, രമ്യ. ആര്‍. നായര്‍ എന്നിവര്‍ പ്രസംഗിച്ചു. എ. മുഹമ്മദ് ഷെരീഫ് നന്ദി പറഞ്ഞു.  
സമാധാനത്തിന്റെ പ്രതീകമായ സുഡാക്കോ നിര്‍മ്മാണം, പോസ്റ്റര്‍ നിര്‍മ്മാണ മത്സരം, യുദ്ധവിരുദ്ധ സന്ദേശ റാലി എന്നിവയും ഉണ്ടായിരുന്നു.