ചങ്ങനാശേരി: പാറേല്‍ തിരുഹൃദയനിവാസ് സ്‌പെഷ്യല്‍ സ്‌കൂളില്‍ ആരംഭിക്കുന്ന ഫിസിയോ തെറാപ്പി സെന്ററിന്റെ സമര്‍പ്പണവും  അനുസ്മരണ സമ്മേളനവും നാളെ ഉച്ചകഴിഞ്ഞ് അഞ്ചിന് പാറേല്‍ തിരുഹൃദയ നിവാസ് ഓഡിറ്റോറിയത്തില്‍ നടക്കും. മധ്യതിരുവിതാംകൂറിലും അമേരിക്കയിലെ ഫ്‌ളോറിഡയിലും വിവിധ കര്‍മരംഗങ്ങളില്‍ നേതൃത്വം വഹിച്ച അഡ്വ.ജിജി നീലത്തുംമുക്കിലിന്റെ സ്മരണക്കായിയാണ് സെന്റര്‍ ആരംഭിക്കുന്നത്. അനുസ്മരണ സമ്മേളനം ചിക്കാഗോ ബിഷപ് മാര്‍ ജേക്കബ് അങ്ങാടിയത്ത് നിര്‍വ്വഹിക്കും.
മുന്‍മന്ത്രി പി.ജെ ജോസഫ് ഫിസിയോ തെറാപ്പി സെന്ററിന്റെ സമര്‍പ്പണം നിര്‍വ്വഹിക്കും. അനുസ്മരണ സമിതി ചെയര്‍മാന്‍ കെ.എഫ് വര്‍ഗ്ഗീസ് അധ്യക്ഷത വഹിക്കും. അംഗ പരിമിതനായ യുവശില്പകലാ വിദഗ്ധന്‍ അനു കെ.മുരളിക്ക് ചടങ്ങില്‍ റോട്ടറി വൊക്കേഷണല്‍ സര്‍വ്വീസ് അവാര്‍ഡ് നല്‍കും. ചങ്ങനാശേരി റോട്ടറി ക്ലബ്ബിന്റെ സഹകരണത്തിലാണ് ഫിസിയോ തെറാപ്പി സെന്റര്‍ ആരംഭിക്കുന്നത്.