തൊടുപുഴ: നാഷണല്‍ ഡിസാസ്റ്റര്‍ റസ്‌പോണ്‍സ് ഫോഴ്‌സിന്റേയും ന്യൂമാന്‍ കോളജ് എന്‍.സി.സിയുടെയും ആഭിമുഖ്യത്തില്‍ ദുരന്തനിവാരണ സെമിനാറും ബോധവല്‍ക്കരണവും സംഘടിപ്പിച്ചു. തൊടുപുഴ തഹസില്‍ദാര്‍ ഷൈജു പി ജേക്കബ് ഉദ്ഘാടനം നിര്‍വഹിച്ചു.
ന്യൂമാന്‍ കോളജ് പ്രിന്‍സിപ്പാള്‍ ഫാ. ഡോ. വിന്‍സന്റ് ജോസഫ് നെടുങ്ങാട്ട് അധ്യക്ഷനായി. ന്യൂമാന്‍ കോളജ് എന്‍.സി.സി ഓഫിസര്‍ ലെഫ്‌നന്റ് പ്രജീഷ് സി മാത്യു, ഇടുക്കി കലക്ടറേറ്റ് ജൂനിയര്‍ സൂപ്രണ്ട് വിന്‍സന്റ് ജോസഫ് സംസാരിച്ചു.
ബോധവല്‍ക്കരണ സെമിനാര്‍ ദുരന്തനിവാരണ സേന കമാന്റര്‍ എം.കെ ബെയര്‍വായുടെ നേതൃത്വത്തിലുള്ള സംഘം നയിച്ചു. വിവിധ തരത്തിലുള്ള ദുരന്തങ്ങള്‍ തടയുന്നതിനും പ്രതികരിക്കുന്നതിനുമായി പരീശീലനവും അരങ്ങേറി.
അണ്ടര്‍ ഓഫിസര്‍മാരായ സച്ചിന്‍ മാത്യു, സുനുമോള്‍ ജോണി എന്നിവരും അഞ്ജന മേരി സുരേഷ്, ഐയ്‌റിന്‍ ഫ്രാന്‍സിസ്, അര്‍ജുന്‍ എസ് കുമാര്‍, മിനില്‍ എസ് പുഷ്പരാജ് എന്നിവരും പരിപാടിക്ക് നേതൃത്വം നല്‍കി.