ദേശമംഗലം : തലശ്ശേരിയിലും ഓറഞ്ച് വിളയിക്കാം എന്ന് തെളിയിച്ച് കര്‍ഷകന്‍. തലശ്ശേരി ജുമാ മസ്ജിദിന് സമീപം താമസിയ്ക്കുന്ന കുമ്പിനി വളപ്പില്‍ അബ്ദുള്‍ റസാഖിന്റെ വീട്ടുമുറ്റത്ത് നിലകൊള്ളുന്ന ഓറഞ്ച് മരമാണ് നിറയെ ഓറഞ്ചുമായി ജനങ്ങള്‍ക്ക് കൗതുക കാഴ്ചയൊരുക്കുന്നത്. ആറ് വര്‍ഷം മുമ്പ് തൃശൂരിലെ ഒരു സ്വകാര്യ നേഴ്‌സറിയില്‍ നിന്ന് വാങ്ങിയ ഓറഞ്ച് തൈയാണ് ഇപ്പോള്‍ വളര്‍ന്ന് വലുതായി ആദ്യമായി കായ്ച്ച് നാട്ടില്‍ താരമായിട്ടുള്ളത്. ഓറഞ്ച് വിളഞ്ഞതറിഞ്ഞ് നിരവധി പേരാണ് അബ്ദുള്‍ റസാഖിന്റെ വീട്ടിലെത്തുന്നത്. നല്ല മധുരമുള്ള ഓറഞ്ചാണ് വിളഞ്ഞിട്ടുള്ളതെന്ന് അബ്ദുള്‍ റസാഖും പറയുന്നു.