നെടുമങ്ങാട്: കേരള യൂനിവേഴ്‌സിറ്റിയുടെ കീഴില്‍ അരുവിക്കര നിയോജക മണ്ഡലത്തിലെ തൊളിക്കോട് പഞ്ചായത്തില്‍ യൂനിവേഴ്‌സിറ്റി ഇന്‍സ്റ്റിറ്റ്യൂട്ട് ഓഫ് ടെക്‌നോളജി ഉടന്‍ പ്രവര്‍ത്തനം ആരംഭിക്കുമെന്ന് കെ.എസ് ശബരീനാഥന്‍ എം.എല്‍.എ അറിയിച്ചു. ബി.എസ്.സി (കംപ്യൂട്ടര്‍ സയന്‍സ്), ബി.കോം (കംപ്യൂട്ടര്‍ ആപ്ലിക്കേഷന്‍) എന്നീ കോഴ്‌സുകളാണ് ആദ്യം ഇവിടെ ആരംഭിക്കുന്നത്. ഇതിനായിട്ടുള്ള എല്ലാ ഒരുക്കങ്ങളും നടന്നു വരുന്നതായും എം.എല്‍.എ പറഞ്ഞു.
30 വീതം സീറ്റാണ് ഓരോ കോഴ്‌സിനും അനുവദിച്ചിട്ടുള്ളത്. കോഴ്‌സുകള്‍ക്ക് പ്രവേശനം ലഭിയ്ക്കാന്‍ ആഗ്രഹിക്കുന്നവര്‍ ഓണ്‍ലൈനായി അപേക്ഷ രജിസ്റ്റര്‍ ചെയ്ച ശേഷം ഇതിന്റെ പ്രിന്റ് ഔട്ട് യു.ഐ.റ്റി പ്രിന്‍സിപ്പല്‍ ഇന്‍ചാര്‍ജിന് മുന്‍പാകെ സമര്‍പ്പിക്കേണ്ടതാണ്. ഇത് സംബന്ധിച്ച റാങ്ക് ലിസ്റ്റ് ഓഗസ്റ്റ് 26ന് പ്രസിദ്ധീകരിക്കും. നിലവില്‍ ഓണ്‍ലൈന്‍ രജിസ്‌ട്രേഷനുള്ള വിദ്യാര്‍ത്ഥികള്‍ അവരുടെ പ്രൊഫൈലില്‍ ലോഗിന്‍ ചെയ്ത് പുതിയ ഓപ്ഷനുകള്‍ നല്‍കാനും കഴിയും. അല്ലാത്തവര്‍ അഡ്മിഷന്‍ വെബ്‌സൈറ്റില്‍ കയറി പുതിയ യു.ഐ.റ്റിയിലേയ്ക്കുള്ള ലിങ്ക് ക്ലിക്ക് ചെയ്തും അപേക്ഷിക്കാം. വിവരങ്ങള്‍ക്ക്: 9847299553.