തൊടുപുഴ: സഹകരണ വകുപ്പിന്റെയും സഹകരണ കണ്‍സ്യുമര്‍ ഫെഡറേഷന്റെയും സഹകരണത്തോടെ ആരംഭിച്ച ഓണം-ബക്രീദ് വിപണിയുടെ തൊടുപുഴ താലൂക്ക്തല ഉദ്ഘാടനം തൊടുപുഴ സഹകരണ ബാങ്ക് അങ്കണത്തില്‍ മുനിസിപ്പല്‍ ചെയര്‍പേഴ്‌സണ്‍ സഫിയ ജബ്ബാര്‍ നിര്‍വഹിച്ചു. ബാങ്ക് പ്രസിഡന്റ് ഇന്‍-ചാര്‍ജ് ആര്‍ ഹരി അധ്യക്ഷനായി. ജില്ലാ പഞ്ചായത്ത് വൈസ് പ്രസിഡന്റ് മാത്യു ജോണ്‍, മുസിനിപ്പല്‍ കൗണ്‍സിലര്‍ സുമമോള്‍ സ്റ്റീഫന്‍, വി.വി മത്തായി, കെ. ദീപക്, വി.ബി ദിലീപ്കുമാര്‍, മാത്യു ആന്റണി, സാബു കേശവന്‍, ജോയിന്റ് രജിസ്ട്രാര്‍ പി.സി സുകുമാരന്‍ സംസാരിച്ചു. സഹകരണ അസിസ്റ്റന്റ് രജിസ്ട്രാര്‍ സി.സി മോഹനന്‍ സ്വാഗതവും പി.ജെ ജയിംസ് നന്ദിയും പറഞ്ഞു.