കൊട്ടാരക്കര: സമൂഹത്തില്‍ നടന്നിരുന്ന അനീതിയ്ക്കും അക്രമങ്ങള്‍ക്കുമെതിരേ ഒറ്റയാള്‍പോരാട്ടം നടത്തിയ സാധാരണക്കാരനായിരുന്നു കെ.ഇ മാമ്മനെന്ന് പ്രതിപക്ഷ നേതാവ് രമേശ് ചെന്നിത്തല. ആശ്രയയുടെ നേതൃത്വത്തില്‍ കലയപുരം സങ്കേതത്തില്‍ കെ.ഇ മാമ്മന്‍ അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം. പി അയിഷാപോറ്റി എം.എല്‍.എ അദ്ധ്യക്ഷയായി. ഒ. മുന്‍ ചീഫ് സെക്രട്ടറി ഡോ. ഡി. ബാബുപോള്‍ കെ. ഇ. മാമ്മന്‍ അനുസ്മരണ പ്രഭാഷണം നടത്തി. കൊടിക്കുന്നില്‍ സുരേഷ് എം.പി, കെ. ഇ. മാമ്മന്റെ ഫോട്ടോ അനാച്ഛാദനം ചെയ്തു. കെ.ഇ മാമ്മന്റെ പേരിലുള്ള ഓര്‍മവൃക്ഷം നടീല്‍കര്‍മം മുന്‍ എം.പി തോമസ് കുതിരവട്ടം നിര്‍വഹിച്ചു.