കോഴിക്കോട്: മാസ് ക്രിയേഷന്‍സിന്റെ ബാനറില്‍ എസ്.എസ്.എസ് എന്റര്‍ടെയ്ന്‍മെന്റ്‌സ് കാലിക്കറ്റ് ഒരുക്കിയ ഓണപ്പാട്ട് ആല്‍ബം ചിങ്ങക്കുറിമാനം രണ്ടാം ഭാഗത്തിന്റെ ഓഡിയോ സി.ഡി പ്രകാശനം ചെയ്തു.
കാലിക്കറ്റ് പ്രസ്‌ക്ലബില്‍ നടന്ന ചടങ്ങില്‍ പ്രസ്‌ക്ലബ് പ്രസിഡന്റ് കമാല്‍ വരദൂരും സംഗീത സംവിധായകന്‍ ഇ. പ്രംകുമാറും ചേര്‍ന്നാണ് സി.ഡി പ്രകാശനം ചെയ്തത്.
സുബോധ് കോഴിക്കോടാണ് ഗാനങ്ങളുടെ രചനയും സംഗീത സംവിധാനവും നിര്‍വഹിച്ചിരിക്കുന്നത്. യുവഗായകരായ സുന്ദര്‍ കാലിക്കറ്റ്, സുബിത സോമന്‍ എന്നിവരാണ് ഗാനങ്ങള്‍ ആലപിച്ചിരിക്കുന്നത്.
ലിജിത്ത് ലാലാണ് മിക്‌സിങും മാസ്റ്ററിങും നിര്‍വഹിച്ചിരിക്കുന്നത്. നൂറു രൂപയാണ് സി.ഡിയുടെ വില.