കണ്ണൂര്‍: സ്‌കൂള്‍ പാര്‍ലമെന്റിലേക്കു നടന്ന തെരഞ്ഞെടുപ്പില്‍ എസ്.എഫ്.ഐക്കു മുന്നേറ്റം. 115 സ്‌കൂളുകളില്‍ 102 സ്‌കൂളുകള്‍ എസ്.എഫ്.ഐ കരസ്ഥമാക്കിയതായി നേതാക്കള്‍ അവകാശപ്പെട്ടു. ഇതില്‍ 52 സ്‌കൂളുകളില്‍ എതിരില്ലാതെയാണ് എസ്.എഫ്.ഐ വിജയിച്ചത്. ശ്രീകണ്ഠപുരം ചുഴലി ജി.എച്ച്.എസ്.എസ്, കൂത്തുപറമ്പ് ശിവപുരം ജി.എച്ച്.എസ്.എസ്, തലശ്ശേരി കാവുംഭാഗം, കാര്‍ത്തികപുരം വി.എച്ച്.എസ്.സി, തളിപ്പറമ്പ് മുത്തേടത്ത് സ്‌കൂള്‍ എന്നിവ തിരിച്ചുപിടിച്ചതായും എസ്.എഫ്.ഐ നേതാക്കള്‍ അറിയിച്ചു. തെരഞ്ഞെടുപ്പ് നടന്ന 81 സ്‌കൂളുകളില്‍ 50 സ്‌കൂളുകളില്‍ കെ.എസ്.യു മുന്നണി വിജയിച്ചതായി നേതാക്കള്‍ അവകാശപ്പെട്ടു. തെരഞ്ഞെടുപ്പു ദിവസമായ ഇന്നലെ എസ്.എഫ്.ഐ വ്യാപക അക്രമം നടത്തിയതായും കെ.എസ്.യു ജില്ലാ കമ്മിറ്റി അറിയിച്ചു. ചട്ടുകപ്പാറ ഗവ.ഹയര്‍ സെക്കന്‍ഡറി സ്‌കൂളില്‍ ആദ്യമായി എം.എസ്.എഫ് രണ്ടു സീറ്റ് നേടി. 30 സീറ്റുകളില്‍ എം.എസ്.എഫ് ഒറ്റയ്ക്കു വിജയം നേടിയെന്ന് നേതൃത്വം അവകാശപ്പെട്ടു