കൊച്ചി : ആന്ധ്രാപ്രദേശിലെ അനന്തപൂരില്‍ ഇന്നു മുതല്‍ ആരംഭിക്കുന്ന സബ്ജൂനിയര്‍ ദേശീയ ഫുട്‌ബോള്‍ ചാംപ്യന്‍ഷിപ്പില്‍ (സൗത്ത് സോണ്‍) പങ്കെടുക്കുന്ന കേരള സബ്ജൂനിയര്‍ ടീമിനെ മലപ്പുറം സ്വദേശി എം ഹേമന്ദ് നയിക്കും. ഗ്രൂപ്പ് ബിയിലേയ്ക്ക് സീഡ് ചെയ്യപ്പെട്ട കേരളത്തിന്റെ ആദ്യ പോരാട്ടം നാളെ പോണ്ടിച്ചേരിയുമായാണ്. എട്ടിന് ആന്ധ്രാപ്രദേശുമായും ഏറ്റുമുട്ടും. കെ അജ്മല്‍ (പാലക്കാട്), വി സിദ്ധാര്‍ഥ് (കാസര്‍കോട്), ടി ജയശങ്കര്‍ (കോഴിക്കോട്) എന്നിവരാണ് ഗോള്‍ കീപ്പര്‍മാര്‍.