യു.എസ് ഓപണിലെ ഇന്ത്യന്‍ പ്രതീക്ഷ വനിതാ താരം സാനിയ മിര്‍സ മാത്രമായി. സാനിയ മര്‍സയും ചൈനയുടെ പെങ് ഷുയിയും അടങ്ങിയ സഖ്യം വനിതാ ഡബിള്‍സിന്റെ ക്വാര്‍ട്ടറിലെത്തി. പ്രീ ക്വാര്‍ട്ടറില്‍ ക്രിസ്റ്റിയ- സോറിബസ് ടോര്‍മോ സഖ്യത്തെ 6-2, 3-6, 7-6 (7-2) എന്ന സ്‌കോറിന് വീഴ്ത്തിയാണ് സാനിയ സഖ്യം അവസാന എട്ടിലെത്തിയത്. നേരത്തെ ഇന്ത്യയുടെ വെറ്ററന്‍ ഇതിഹാസം ലിയാണ്ടര്‍ പെയ്‌സും ഇന്ത്യയുടെ തന്നെ പുരവ് രാജയും ചേര്‍ന്ന സഖ്യം പുരുഷ ഡബിള്‍സിന്റെ 32ാം റൗണ്ടില്‍ പുറത്തായിരുന്നു. മിക്‌സഡ് ഡബിള്‍സിന്റെ ക്വാര്‍ട്ടറിലെത്തി പ്രതീക്ഷ നല്‍കിയ ഇന്ത്യയുടെ രോഹന്‍ ബൊപ്പണ്ണ കാനഡയുടെ ഡബ്‌രോവ്‌സ്‌കി സഖ്യത്തിന്റെ മുന്നേറ്റവും അവസാനിച്ചു.