ന്യൂഡല്‍ഹി: ലെനോവയുടെ K 8 സീരീസ് സ്മാര്‍ട് ഫോണിലെ പുതിയ പതിപ്പായ K8 പ്ലസ് പുറത്തിറക്കി. ബുധനാഴ്ചയാണ് കമ്പനി പുതിയ ഫോണ്‍ പുറത്തിറക്കിയത്. നിരവധി ഓഫറുകളുമായാണ് ഫോണിന്റെ വരവ്. മോട്ടോ പള്‍സിന്റെ ഹെഡ്‌ഫോണ്‍,പതിനായിരം രൂപ വരെ എക്‌സ്‌ചേഞ്ച് സൗകര്യം,ജിയോയുടെ 30 ജി.ബി ഡാറ്റ എന്നിങ്ങനെ പോകുന്നു ആനുകൂല്യങ്ങള്‍.

5.2 ഇഞ്ച് എച്ച്.ഡി ഡിസ്‌പ്ലേ,4000 എം.എ.എച്ച് ബാറ്ററി,3 ജി.ബി റാം,32 ജി.ബി മെമ്മറി സ്റ്റോറേജ്,13+5 എം.പി പിന്‍ ക്യാമറ,8 എം.പി സെല്‍ഫി ക്യാമറ എന്നിവയാണ് പ്രത്യേകതകള്‍. 10,999 രൂപയാണ് ആരംഭ വില.