തുവ്വൂര്‍: പുക്കൂത്ത് വളവില്‍ ലോറിയും സ്വകാര്യ ബസും കൂട്ടിയിടിച്ചു. വ്യാഴാഴ്ച വൈകുന്നേരത്തോടെയാണ് അപകടം. തുവ്വൂരില്‍ നിന്നും പാണ്ടിക്കാട്ടേക്കു പോവുകയായിരുന്ന സ്വകാര്യ ബസും എതിരെ വന്ന ടിപ്പര്‍ ലോറിയും കൂട്ടിയിടിക്കുകയായിരുന്നു. രണ്ടു വാഹനങ്ങളുടേയും മുന്‍ഭാഗം തകര്‍ന്നു.  
യാത്രക്കാര്‍ ബസിനകത്തു വീണെങ്കിലും ആര്‍ക്കും കാര്യമായ പരുക്കില്ല. നിലമ്പൂര്‍-പെരുമ്പിലാവു സംസ്ഥാന പാതയില്‍ ഗതാഗതം ഏറെ നേരം തടസ്സപ്പെട്ടു.