പാലക്കാട്: സംസ്ഥാന സര്‍ക്കാറിന്റെ മികച്ച പി.ടി.എക്കുള്ള ഒന്നാം സ്ഥാനം നേടിയ പല്ലാവൂര്‍ ഗവ.എല്‍.പി.സ്‌കൂളിനുള്ള അവാര്‍ഡ് കൊല്ലത്ത് നടന്ന ദേശീയ അധ്യാപക ദിനാഘോഷത്തില്‍ വിദ്യാഭ്യാസ മന്ത്രി സി. രവീന്ദ്രനാഥ്, ഫിഷറീസ് മന്ത്രി ജെ. മേഴ്‌സികുട്ടിയമ്മ, എം.കെ പ്രേമചന്ദ്രന്‍ എം. പി, എം. നൗഷാദ് എം.എല്‍.എ ചേര്‍ന്ന് വിതരണം ചെയ്തു.

സമ്മാനതുകയായ അഞ്ച് ലക്ഷം രൂപ, ട്രോഫി, സര്‍ട്ടിഫിക്കറ്റ് പ്രധാനാധ്യാപകന്‍ എ. ഹാറൂണ്‍, പി.ടി.എ ഭാരവാഹികളായ എം. ലക്ഷ്മണന്‍, കെ.പി പ്രഭാകരന്‍, ടി.ഇ ഷൈമ, എം. ടിന്റു, ടി.വി പ്രമീള ഏറ്റുവാങ്ങി.

പരിപാടിയില്‍ പൊതുവിദ്യാഭ്യാസ ഡയറക്ടര്‍ കെ.വി മോഹന്‍കുമാര്‍, ഡോ. പി.പി പ്രകാശന്‍, കൊല്ലം ഡി.ഡി.ഇ കെ.എസ് ശ്രീകല, വിദ്യാരംഗം എഡിറ്റര്‍ കെ.സി അലി ഇക്ബാല്‍, അധ്യാപക സംഘടനാ നേതാക്കളായ കെ.സി ഹരികൃഷ്ണന്‍. പി. ഹരിഗോവിന്ദന്‍, ശ്രീകുമാര്‍ പങ്കെടുത്തു.