മണ്ണാര്‍ക്കാട്: കനിവ് കര്‍ക്കിടാംകുന്ന് ആസ്ഥാന മന്ദിരത്തിന്റെ നിര്‍മാണ പ്രവര്‍ത്തി തുടങ്ങി. മങ്കട കോവിലകം തമ്പുരാന്‍ കൃഷ്ണകുമാര വര്‍മരാജ ഉദ്ഘാടനം ചെയ്തു. നിര്‍മാണ കമ്മിറ്റി ചെയര്‍മാന്‍ പി.പി മുഹമ്മദ് അധ്യക്ഷനായി. 55ലക്ഷം രൂപ ചെലവ് പ്രതീക്ഷിക്കുന്ന മൂന്ന് നില കെട്ടിടത്തില്‍ കനിവ് ആസ്ഥാന മന്ദിരത്തിന് പുറമെ പാലിയേറ്റീവ് ക്ലീനിക്ക്, അഗതി മന്ദിരം, കോണ്‍ഫറന്‍സ് ഹാള്‍ എന്നിവയുമുള്‍പ്പടും. പഞ്ചായത്ത് വൈസ്പ്രസിഡന്റ് മെഹര്‍ബാന്‍ ടീച്ചര്‍, പഞ്ചായത്തംഗം കെ. രാധാകൃഷ്ണന്‍, ചന്ദ്രശേഖര വര്‍മരാജ, കെ. മുഹമ്മദ് അഷറഫ്, പി.പി.കെ അബ്ദുറഹിമാന്‍, പി.കെ അബ്ദുല്‍ ഗഫൂര്‍, പി.സി മുഹമ്മദ് മാസ്റ്റര്‍, ഇസ്മായില്‍ ഹാജി സംബന്ധിച്ചു. മങ്കട കോവിലകം സൗജന്യമായി നല്‍കിയ സ്ഥലത്താണ് കെട്ടിടം നിര്‍മിക്കുന്നത്.