കളമശ്ശേരി: എസ്.കെ.എസ്.എസ്.എഫ് കളമശ്ശേരി മേഖലാ സഹചാരി സെന്ററും ആലുവ ഡോ. ടോണി ഫെര്‍ണാണ്ടസ് ഐ ഹോസ്പിറ്റലും സംയുക്തമായി സംഘടിപ്പിക്കുന്ന സൗജന്യ നേത്ര ചികിത്സാ ക്യാംപ് നാളെ രാവിലെ 8.30 മുതല്‍ ഉച്ചയ്ക്ക് 12.30 വരെ വട്ടേക്കുന്നം റോട്ടറി ക്ലബ് ഹാളില്‍ നടക്കും. ക്യാംപ് വി.കെ ഇബ്രാഹിംകുഞ്ഞ് എം.എല്‍.എ ഉദ്ഘാടനം ചെയ്യും.
മേഖലാ പ്രസിഡന്റ് പി.എച്ച് അജാസ് അധ്യക്ഷത വഹിക്കും. ജില്ലാ അന്ധതാനിവാരണ സൊസൈറ്റിയുടെ സഹകരണത്തോടെയുള്ള ക്യാംപ് നയിക്കുന്നത് ആലുവ ടോണിഫെര്‍ണാണ്ടസ് ഐ ഹോസ്പിറ്റലാണ്.
തിമിര ശസ്ത്രക്രിയ ആവശ്യമായി വരുന്നവര്‍ക്ക് കണ്ണില്‍ ലെന്‍സ് വെച്ചുള്ള ഓപ്പറേഷന്‍ സൗജന്യമായി ചെയ്തുകൊടുക്കല്‍, സൗജന്യമരുന്ന് വിതരണം എന്നിവ ക്യാംപില്‍ ലഭ്യമാക്കുമെന്ന് മേഖലാ ജനറല്‍ സെക്രട്ടറി മന്‍സൂര്‍ കളപ്പുരയ്ക്കല്‍ അറിയിച്ചു.