കോതമംഗലം: നെല്ലിക്കുഴി ഇരുമലപടി അക്കാലമറ്റത്തില്‍ പരീതിന്റെ വീട്ടിലെ മച്ചില്‍ വച്ച എലിപ്പെട്ടിയില്‍ മരപ്പട്ടി കുടുങ്ങി.
ശനിയാഴ്ച്ച രാവിലെ വീട്ടുടമസ്ഥനാണ് കെണിയില്‍ മരപ്പെട്ടി വീണത് കണ്ടത്.
ഉടനെ കോതമംഗലത്തെ വനം വകുപ്പ് ഓഫിസില്‍ അറിയിച്ചതിനെ തുടര്‍ന്ന് കോതമംഗലം ഡി.എഫ്.ഒ ദീപ ഐ.എഫ്.എസ് രൂപീകരിച്ചിട്ടുള്ള വൈല്‍ഡ് അനിമല്‍ റെസ്‌ക്യു ടീമിലെ അംഗങ്ങളായ ഡെപ്യൂട്ടി ആര്‍.ഒ പി.എം. അനില്‍കുമാര്‍, ബീറ്റ് ഫോറസ്റ്റ് ഓഫീസര്‍ എം.പി. വേണു, വാച്ചര്‍മാരായ എം.കെ. അയ്യപ്പന്‍, എം.കെ. ഷൈന്‍ എന്നിവര്‍ സ്ഥലത്ത് എത്തി മരപ്പട്ടിയെ എലിപ്പെട്ടിയില്‍ നിന്നും രക്ഷിച്ചു. പിന്നീട് മരപ്പട്ടിയെ തട്ടേക്കാട് ചേലമലയില്‍ തുറന്നുവിട്ടു.