മാവൂര്‍: താത്തൂര്‍ ശുഹദാനഗര്‍ മര്‍ക്കസുല്‍ ഉലൂമില്‍ ഈ അധ്യയന വര്‍ഷം തന്നെ അന്നിസ്‌വ വനിതാകോളജ് തുടങ്ങാന്‍ വിദ്യാഭ്യാസ സമിതി യോഗം തീരുമാനിച്ചു. എസ്.എസ്.എല്‍.സി കഴിഞ്ഞ പെണ്‍കുട്ടികള്‍ക്കാണ് മൂന്നുവര്‍ഷത്തെ കോഴ്‌സിന് പ്രവേശനം നല്‍കുന്നത്. അഫ്‌സലുല്‍ ഉലമയുടെ പ്രിലിമിനറി, പ്ലസ്ടുവിന് ഹ്യുമാനറ്റീസ്, കൊമേഴ്‌സ് ക്ലാസുകളാണ് ആരംഭിക്കുന്നത്. അബുമൗലവി അമ്പലക്കണ്ടി (ചെയര്‍മാന്‍), ടി.പി സുബൈര്‍മാസ്റ്റര്‍ (കണ്‍വീനര്‍) എന്നിവരെ തെരഞ്ഞെടുത്തു.
മര്‍ക്കസുല്‍ ഉലൂം പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങളാണ് വിദ്യാഭ്യാസ സമിതിയെ പ്രഖ്യാപിച്ചത്. സെക്രട്ടറി അബൂബക്കര്‍ ഫൈസി മലയമ്മ അധ്യക്ഷനായി.
സമിതി അംഗങ്ങളായ അയ്യൂബ് കൂളിമാട്, എന്‍.പി അഹമ്മദ്, അഹമ്മദ് കുട്ടി അരയങ്കോട്, ഒ.പി അഷ്‌റഫ്, സി.എ ഷുക്കൂര്‍മാസ്റ്റര്‍, കെ.എം.എ റഹ്മാന്‍, ശിഹാബ് താത്തൂര്‍ സംസാരിച്ചു. പ്രവേശനം ആഗ്രഹിക്കുന്നവര്‍ ഈമാസം 18നകം കോളജ് ഓഫിസുമായി ബന്ധപ്പെടണം. 20ന് കാലത്ത് 10നാണ് അഭിമുഖം. ഫോണ്‍: 0495-2884242, 9846352690.