തിരുവനന്തപുരം: കേന്ദ്രത്തിലെ ബി.ജെ.പി സര്‍ക്കാരിന്റെ അഴിമതിക്കും സാമ്പത്തിക നയങ്ങള്‍ക്കും വിലക്കയറ്റത്തിനുമെതിരേ ദേശവ്യാപകമായി സി.പി.ഐ നടത്തുന്ന പ്രക്ഷോഭത്തിന്റെ ഭാഗമായി 28ന് കേരളത്തിലെ എല്ലാ നിയോജക മണ്ഡലങ്ങളിലും സായാഹ്ന ധര്‍ണ നടത്തും. ഇന്നലെ ചേര്‍ന്ന സി.പി.ഐ സംസ്ഥാന എക്‌സിക്യൂട്ടീവ് യോഗത്തിലാണ് തീരുമാനം.
ഒക്‌ടോബര്‍ മൂന്ന് മുതല്‍ കാനം രാജേന്ദ്രന്റെയും കോടിയേരി ബാലകൃഷ്ണന്റെയും നേതൃത്വത്തില്‍ നടക്കുന്ന ഇടതുമുന്നണി മേഖലാ ജാഥകള്‍ വിജയിപ്പിക്കും. എല്ലാ സ്വീകരണ കേന്ദ്രങ്ങളിലും പാര്‍ട്ടി സംഘാടക സമിതികള്‍ രൂപീകരിക്കും.
മാര്‍ച്ച് ഒന്നു മുതല്‍ നാലുവരെ മലപ്പുറത്ത് നടക്കുന്ന സി.പി.ഐ സംസ്ഥാന സമ്മേളനത്തിന്റെ സ്വാഗതസംഘ രൂപീകരണ യോഗം 20ന് വൈകിട്ട് മൂന്നിന് മലപ്പുറം ബസ് സ്റ്റാന്റ് ഓഡിറ്റോറിയത്തില്‍ നടക്കും.