കണ്ണൂര്‍: ലൈബ്രറി കൗണ്‍സില്‍ സംഘടിപ്പിച്ച കുട്ടികളുടെ കലാമാമാങ്കം സര്‍ഗോത്സവത്തില്‍ കണ്ണൂര്‍ താലൂക്ക് ഓവറോള്‍ ചാംപ്യന്‍മാരായി. തലശ്ശേരി താലൂക്കിനാണ് രണ്ടാം സ്ഥാനം. 14 ഇനങ്ങളിലായി നടന്ന മത്സരത്തില്‍ 96 പോയിന്റ് നേടിയാണ് കണ്ണൂര്‍ താലൂക്ക് ഒന്നാം സ്ഥാനത്തെത്തിയത്. തലശ്ശേരി താലൂക്ക് 89 പോയിന്റും ഇരിട്ടി 70, തളിപറമ്പ് 67 പോയിന്റും നേടി. മുനിസിപ്പല്‍ ഹയര്‍സെക്കന്‍ഡറി സ്‌കൂളില്‍ നടന്ന മത്സരം തുറമുഖ പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് കെ.വി സുമേഷ് മുഖ്യാതിഥിയായി. ലൈബ്രറി കൗണ്‍സില്‍ ജില്ലാ സെക്രട്ടറി പി.കെ ബൈജു അധ്യക്ഷനായി. കോര്‍പറേഷന്‍ കൗണ്‍സിലര്‍മാരായ ഇ. ബീന, അഡ്വ. ലിഷാ ദീപക്, കെ. പ്രമോദ്, പുരോഗമന കലാസാഹിത്യ സംഘം ജില്ലാ സെക്രട്ടറി എം.കെ മനോഹരന്‍, , കെ. പത്മനാഭന്‍, താലുക്ക് സെക്രട്ടറിമാരായസി സോമന്‍, ടി.പി കുഞ്ഞിക്കണ്ണന്‍, എം ശ്രീനേഷ് എന്നിവര്‍ സംസാരിച്ചു. ജനറല്‍ കണ്‍വീനറും കണ്ണൂര്‍ താലുക്ക് സെക്രട്ടറിയുമായ എം. ബാലന്‍ സ്വാഗതവും ജില്ലാ വൈസ് പ്രസിഡന്റ് എം മോഹനന്‍ നന്ദിയും പറഞ്ഞു. സമാപന സമ്മേളനവും സമ്മാന വിതരണവും കോര്‍പറേഷന്‍ ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ വെള്ളോറ രാജന്‍ നിര്‍വഹിച്ചു. ശാസ്ത്രകേരളം മാനേജിങ് എഡിറ്റര്‍ എം. ദിവാകരന്‍ അധ്യക്ഷനായി. സിനിമാ നാടക നടന്‍ പ്രകാശന്‍ ചെങ്ങല്‍ എന്നിവര്‍ സംസാരിച്ചു. ഇ. ചന്ദ്രന്‍ സ്വാഗതവും എ പങ്കജാക്ഷന്‍ നന്ദിയും പറഞ്ഞു.