കോഴിക്കോട്: സേവ് ഇന്ത്യാ ഫോറത്തിന്റെ ആഭിമുഖ്യത്തില്‍ നാളെ നടക്കുന്ന ഫാസിസ്റ്റ്‌വിരുദ്ധ പ്രതിരോധ സംഗമം ദലിത് നേതാവ് ജഗ്നേഷ് മേവാനി ഉദ്ഘാടനം ചെയ്യും.
ഗൗരി ലങ്കേഷ് പത്രികയുടെ ചീഫ് കോളമിസ്റ്റ് ശിവസുന്ദര്‍, ഗൗരി ലങ്കേഷ് അനുസ്മരണ പ്രഭാഷണം നടത്തുമെന്നും ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
കബിതാ മുഖോപാധ്യായ, മോഹനന്‍, പ്രഭാകരന്‍ എന്നിവരുടെ നേതൃത്വത്തില്‍ തത്സമയ ഫാസിസ്റ്റ്‌വിരുദ്ധ ചിത്രരചനയും മാധ്യമം ഫോട്ടോഗ്രാഫര്‍ പ്രകാശ് കരിമ്പ രചനയും സംവിധാനവും നിര്‍വഹിച്ച 'ആട്ടക്കളം' നാടകവും അരങ്ങേറും.
വിദ്യാഭാരതി, കെ.ഇ.എന്‍ കുഞ്ഞഹമ്മദ്, കമാല്‍ വരദൂര്‍, എം. വാസു പങ്കെടുക്കും.
വാര്‍ത്താസമ്മേളനത്തില്‍ പ്രസിഡന്റ് ഗോപാല്‍ മേനോന്‍, ജനറല്‍ സെക്രട്ടറി പ്രദീപ് ഉഷസ് പങ്കെടുത്തു.