നെയ്യാറ്റിന്‍കര: അഞ്ച് കിലോ കഞ്ചാവുമായി ചെന്നൈ സ്വദേശിയായ യുവാവ് പിടിയില്‍. പുവാര്‍ ഇ.എം.എസ് കോളനിയില്‍ തെക്കേ തെരുവ് ഇരവി വീട്ടില്‍ താമസിക്കുന്ന ചെന്നൈ സ്വദേശി അബ്ദുള്‍ഖാദര്‍ (37) ആണ് പിടിയിലായത്.  
കഴിഞ്ഞദിവസം രാവിലെ പുവാറിനു സമീപമുളള ആറ്റിപുറം ചെക് പോസ്റ്റിനു സമീപം തമിഴ്‌നാട് ബസില്‍ വന്നിറങ്ങിയ യുവാവിനെ സംശയം തോന്നയതിനെ തുടര്‍ന്ന് എക്‌സൈസ് അധികൃതര്‍ നടത്തിയ പരിശോധനയിലാണ് ബിഗ്‌ഷോപ്പറില്‍ ഒളിപ്പിച്ച നിലയില്‍ കഞ്ചാവ് കണ്ടെത്തിയത്.   
തമിഴ്‌നാട്ടിലെ കമ്പത്ത് നിന്നാണ് കഞ്ചാവ് കൊണ്ടുവന്നതെന്ന് പ്രതി വെളിപ്പെടുത്തി.  പൂവാര്‍ ആറ്റിപുറം എക്‌സൈസ് ഇന്‍സ്‌പെക്ടര്‍ വി.കോമളന്റെ നേതൃത്വത്തില്‍ പ്രവന്റീവ് ഓഫീസര്‍ പത്മകുമാര്‍ , സീനിയര്‍ എക്‌സൈസ് ഓഫീസര്‍ ശങ്കര്‍മാനുവല്‍ എന്നിവരാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റാമാന്‍ഡ് ചെയ്തു.