കൊച്ചി: ദിലീപ് നായകനായി അഭിനയിച്ച രാമലീല പ്രദര്‍ശനത്തിനെത്തിക്കാന്‍ പൊലിസ് സംരക്ഷണം വേണമെന്നാവശ്യപ്പെട്ട് നിര്‍മാതാവ് ടോമിച്ചന്‍ മുളകുപാടം നല്‍കിയ ഹരജി ഈ ഘട്ടത്തില്‍ പരിഗണിക്കാനാവില്ലെന്ന് ഹൈക്കോടതി. രാമലീല എന്ന സിനിമ പ്രദര്‍ശിപ്പിച്ചാല്‍ തിയേറ്ററുകള്‍ക്കു നേരെ ആക്രമണമുണ്ടാകുമെന്നും ഇതു തടയാന്‍ പൊലിസ് സംരക്ഷണം വേണമെന്നും ആവശ്യപ്പെട്ടാണ് നിര്‍മാതാവ് ഹൈക്കോടതിയെ സമീപിച്ചത്. എന്നാല്‍ തിയേറ്ററുകള്‍ക്കു നേരെ ആക്രമണമുണ്ടാകുമെന്നത് ഹരജിക്കാരന്റെ ആശങ്ക മാത്രമാണെന്നും വസ്തുതകളുടെ അടിസ്ഥാനമില്ലെന്നും ഹൈക്കോടതി വ്യക്തമാക്കി.