മാന്നാര്‍: വിശ്വകര്‍മ്മ സര്‍വീസ് സൊസൈറ്റി 39-ാം നമ്പര്‍ കുരട്ടിക്കാട് ശാഖയുടെ ആഭിമുഖ്യത്തില്‍ വിശ്വകര്‍മ്മ ദിനാഘോഷത്തോടനുബന്ധിച്ച് സാംസ്‌കാരിക സമ്മേളനവും എസ്.എസ്.എല്‍.സി. പ്ലസ് ടൂ അവാര്‍ഡുദാനവും നടത്തും.
17ന് വൈകിട്ട് 3 മണിക്ക് കുരട്ടിക്കാട് മുത്താരമ്മന്‍ ക്ഷേത്രാങ്കണത്തില്‍ നടക്കുന്ന സാംസ്‌കാരികസമ്മേളനം വി.എസ്.എസ് താലൂക്ക് യൂണിയന്‍ സെക്രട്ടറി മനു കൃഷ്ണന്‍ ഉദ്ഘാടനം ചെയ്യും. ശാഖാപ്രസിഡന്റ് മഹേശ്വരന്‍ ടി.കെ. തെള്ളികിഴക്കേതില്‍ അധ്യക്ഷത വഹിക്കും.
കെ. ഗോപാലകൃഷ്ണന്‍ പുളിമൂട്ടില്‍, പി.എ. വിജയന്‍ എന്നിവര്‍ എസ്എസ്എല്‍സി, പ്ലസ് ടു അവാര്‍ഡുദാനം നിര്‍വഹിക്കും. ഗ്രാമപഞ്ചായത്തംഗങ്ങളായ പി.എന്‍. ശെല്‍വരാജന്‍, ഉഷാ ഗോപാപലകൃഷ്ണന്‍, ശാഖാ വൈസ്പ്രസിഡന്റ് പി.എന്‍. മുരുകന്‍ ആചാരി, കെ.കെ. ശിവനാചാരി, ആകാശ് രാജ്, കെ.ആര്‍. രംഗന്‍, കെ.ടി. അയ്യപ്പന്‍, എ.കെ. ഗോപാലകൃഷ്ണന്‍, പി.ജി. രാധാകൃഷ്ണന്‍ കൃഷ്ണാലയം എന്നിവര്‍ സംസാരിക്കും.