ചേര്‍ത്തല: അക്ഷര സാംസ്‌കാരിക സംഘവും വിജയ് ഇന്‍സ്റ്റിറ്റ്യൂട്ട് ഓഫ് മാനേജ്‌മെന്റ് സ്റ്റഡീസും ചേര്‍ന്ന് സംഘടിപ്പിക്കുന്ന പ്രഥമ അക്ഷരശ്രീ പുരസ്‌കാര സമര്‍പ്പണവും ഓണോത്സവവും 16ന് ഉച്ചയ്ക്ക് രണ്ടിന് കളവംകോടം ശക്തീശ്വരം ക്ഷേത്ര ഓഡിറ്റോറിയത്തില്‍ നടത്തുമെന്ന് സംഘാടകര്‍ അറിയിച്ചു. എ.എം.ആരിഫ് എംഎല്‍എ ഉദ്ഘാടനം ചെയ്യും. ജനറല്‍ സെക്രട്ടറി ടി.എസ്.അജയകുമാര്‍ അധ്യക്ഷത വഹിക്കും. കെ.കെ.മഹേശന്‍ മുഖ്യപ്രഭാഷണം നടത്തും.പ്രൊഫ.തോമസ് വി പുളിക്കന്‍,കെ.ആര്‍ സോമശേഖരപണിക്കര്‍,പി.ജി.ഗോപകുമാര്‍,ലെനിന്‍ജ്യോത്സ്യന്‍,സി.ബി.അര്‍ജ്ജുനന്‍,വൈശാഖ്,കെ.ജെ.അനില്‍കുമാര്‍ എന്നിവരാണ് വിവിധ മേഖലകളിലെ നിസ്തൂല സേവനത്തിന് പുരസ്‌കാരത്തിന് അര്‍ഹരായിട്ടുള്ളവരെന്ന് പ്രസിഡന്റ് സര്‍ജു, ജനറല്‍സെക്രട്ടറി റ്റി.എസ് അജയകുമാര്‍,പി.സച്ചിന്‍ എന്നിവര്‍ വാര്‍ത്താസമ്മേളനത്തില്‍ പറഞ്ഞു.