കോട്ടയം: വിവിധ നാണ്യ വിള ബോര്‍ഡുകള്‍ നിര്‍ത്തലാക്കാനുള്ള കേന്ദ്രസര്‍ക്കാരിന്റെ നീക്കം കര്‍ഷക ദ്രോഹകരമെന്ന് ജനാധിപത്യ കേരള കോണ്‍ഗ്രസ് ചെയര്‍മാന്‍ അഡ്വ കെ ഫ്രാന്‍സിസ് ജോര്‍ജ്ജ്. ജനാധിപത്യ കര്‍ഷക യൂനിയന്‍ സംസ്ഥാന കമ്മറ്റി യോഗം ഉദ്ഘാടനം ചെയ്യുകയായിരുന്നു അദ്ദേഹം.
റബ്ബര്‍ബോര്‍ഡ് റീജിയണല്‍ ഓഫീസുകള്‍ നിര്‍ത്തലാക്കിയതിന് പുറമെ ടീ ബോര്‍ഡ്, ഏലം ബോര്‍ഡ്, കോഫീ ബോര്‍ഡ് എന്നിവയുടെ ഓഫീസുകളുടെ പ്രവര്‍ത്തനം അവസാനിപ്പിക്കാന്‍ നടക്കുന്ന നീക്കങ്ങള്‍ പ്രതിഷേധാര്‍ഹമാണെന്നും ഫ്രാന്‍സിസ് ജോര്‍ജ്ജ് പറഞ്ഞു. റോട്ടറി ക്ലബ്ബ് ഹാളില്‍ ചേര്‍ന്ന യോഗത്തില്‍ വര്‍ഗ്ഗീസ് വെട്ടിയാങ്കല്‍ അധ്യക്ഷനായി. ഡോ. കെ.സി ജോസഫ്, പി.സി ജോസഫ്, ആന്റണി രാജു ,മാത്യു സ്റ്റീഫന്‍ എം പി പോളി പങ്കെടുത്തു.