ദോഹ: അമേരിക്കയുമായി ഏറ്റവും ശക്തമായ ബന്ധമാണ് ഖത്തറിനുള്ളതെന്ന് വിദേശകാര്യമന്ത്രി ശൈഖ് മുഹമ്മദ് ബിന്‍ അബ്ദുല്‍റഹ്മാന്‍ അല്‍താനി. മിഡില്‍ഈസ്റ്റിലെ ഏറ്റവും വലിയ അമേരിക്കന്‍ വ്യോമതാവളത്തിന് ആതിഥ്യം വഹിക്കുന്നത് ഖത്തറാണെന്നും സ്വിസ്സ് ദിനപത്രത്തിന് നല്‍കിയ അഭിമുഖത്തില്‍ വിദേശകാര്യമന്ത്രി വ്യക്തമാക്കി.

തീവ്രവാദത്തെ പ്രതിരോധിക്കുന്നതിലും സുരക്ഷ, പ്രതിരോധം, സാമ്പത്തികം തുടങ്ങിയ മേഖലകളിലും രണ്ടു രാജ്യങ്ങളും സഹകരിച്ച് പ്രവര്‍ത്തിക്കുന്നുണ്ടെന്നും വിദേശകാര്യമന്ത്രി ചൂണ്ടിക്കാട്ടി. നീതിരഹിത ഉപരോധം ഏറ്റവുമടുത്ത അയല്‍ക്കാരെ ആശ്രയിക്കുന്നത് കുറയ്ക്കാന്‍ പഠിപ്പിച്ചു. വിവിധ രാജ്യങ്ങളുമായി കപ്പല്‍ഗതാഗത സര്‍വfസുകള്‍ക്കും ഇക്കാലയളവില്‍ തുടക്കംകുറിച്ചു. അമീര്‍ ശൈഖ് തമീം ബിന്‍ ഹമദ് അല്‍താനിയും സഊദി കിരീടാവകാശിയും തമ്മില്‍ നടന്ന ടെലിഫോണ്‍ സംഭാഷണത്തെക്കുറിച്ച് തങ്ങള്‍ കള്ളം പ്രചരിപ്പിക്കുന്നുവെന്നാണ് ഉപരോധരാജ്യങ്ങളുടെ ആരോപണം. അത് സ്വീകാര്യമല്ല. സഊദി സഖ്യത്തിന്റെ ഉപരോധം പെട്ടെന്നുള്ളതായിരുന്നു. യാതൊരു സൂചനകളുമില്ലായിരുന്നു.

ഗള്‍ഫ് സുരക്ഷ അപകടത്തിലാകാതിരിക്കാന്‍ ഗള്‍ഫ് ഐക്യം അനിവാര്യമാണെന്നും വിദേശകാര്യമന്ത്രി ചൂണ്ടിക്കാട്ടി.