കരുളായി: കളംകുന്ന് ഡി.വൈ.എഫ്.ഐ യൂനിറ്റ് കമ്മിറ്റിയുടെ നേതൃത്വത്തില്‍ സംഘടിപ്പിച്ച വര്‍ഗീയ വിരുദ്ധ സദസ് പി.വി അന്‍വര്‍ എം.എല്‍.എ ഉദ്ഘാടനം ചെയ്തു. ഡി.വൈ.എഫ്.ഐ യൂനിറ്റ് സെക്രട്ടറി കെ.ശ്രീജിത്ത് അധ്യക്ഷനായി. എസ്.എഫ്.ഐ സംസ്ഥാന സെക്രട്ടറി ജംഷീദലി മുഖ്യപ്രഭാഷണം നടത്തി. വിവിധ മേഖലകളില്‍ കഴിവ് തെളിയിച്ച കെ. മുഹാജിര്‍, മുജീബ് റഹ്മാന്‍, കെ.സൗജത്ത്, അസ്‌ലമിയ, ചിരുത തുടങ്ങിയവരെ ഉപഹാരം നല്‍കി ആദരിച്ചു. ഡി.വൈ.എഫ്.ഐ യൂനിറ്റ് നല്‍കിയ ബാന്‍ഡ് സെറ്റിന്റെ വിതരണവും എം.എല്‍.എ നിര്‍വഹിച്ചു. ട്രൂപ്പിന്റെ ബാന്‍ഡ് പ്രകടനവും നടന്നു.