തിരുവനന്തപുരം: ദക്ഷിണ മേഖലാ ജൂനിയര്‍ അത്‌ലറ്റിക്‌സ് ചാംപ്യന്‍ഷിപ്പിന് ഇന്ന് തുടക്കം. 29ാമത് ചാംപ്യന്‍ഷിപ്പിനാണ് ഇന്ന് തുടക്കം കുറിക്കുന്നത്. കേരളം, തമിഴ്‌നാട്, കര്‍ണാടക, ആന്ധ്രാപ്രദേശ്, തെലങ്കാന, പോണ്ടിച്ചേരി, ലക്ഷദ്വീപ് എന്നിവിടങ്ങളില്‍ നിന്നായി 900 ത്തോളം താരങ്ങള്‍ മത്സരിക്കാനെത്തുന്നുണ്ട്.
ആണ്‍കുട്ടികളെയും പെണ്‍കുട്ടികളെയും 14 വയസിന് താഴെ, 16 വയസിന് താഴെ, 18 വയസിന് താഴെ, 20 വയസിന് താഴെ എന്നിങ്ങനെ നാല് വിഭാഗങ്ങളായി തിരിച്ചാണ് മത്സരങ്ങള്‍. ഇന്ന് 55 ഇനങ്ങളില്‍ ഫൈനല്‍ നടക്കും.
രാവിലെ എട്ടരക്ക് ചന്ദ്രശേഖരന്‍ നായര്‍ സ്റ്റേഡിയത്തില്‍ കായിക മന്ത്രി എ.സി മൊയ്തീന്‍ ഉദ്ഘാടനം ചെയ്യും. കെ മുരളീധരന്‍ എം.എല്‍.എ, എക്‌സൈസ് കമ്മിഷണര്‍ ഋഷിരാജ് സിങ് പങ്കെടുക്കും. നാളെ വൈകിട്ടാണ് സമാപനം.