ആലുവ: ആലങ്ങാട് വൈ.എം.സി.എയുടെ ഓണഘോഷങ്ങളുടെ ഭാഗമായി കലാ സംസ്‌ക്കാരിക സായാഹ്നം ' ഓണ നിലാവ് 2017' സംഘടിപ്പിച്ചു. കവി വേണു.വി.ദേശം ഉദ്ഘാടനം ചെയ്തു.
സംസ്‌ക്കാരിക സജീവത വീണ്ടെടുക്കുകായാണു വര്‍ത്തമാനകാല കേരളത്തിന്റെ പ്രധാന ആവശ്യമെന്ന് വേണു വി ദേശം അഭിപ്രായപ്പെട്ടു.
ഡിജിറ്റല്‍ സാധ്യതകള്‍ കൂടുതോറും മനുഷ്യന്‍ കൂടുതല്‍ കൂടുതല്‍ ഒറ്റപ്പെടുകയാണെന്നും അദ്ദേഹം കൂട്ടിച്ചേര്‍ത്തു.
വൈ.എം.സി.എ പ്രസിഡന്റ് ഡോ.എം.ഐ പൂന്നൂസ് അധ്യക്ഷത വഹിച്ചു. വൈ.എം.എസി.എ കേരള ഘടകം പ്രസിഡന്റ് പ്രൊഫ. ജോയ് സി ജോര്‍ജ്ജ് മുഖ്യാതിഥിയായിരുന്നു.
വൈ.എം.സി.എ ദേശീയ അവാര്‍ഡിനു അര്‍ഹനായ പ്രൊഫ. മാത്യു കോശി, സംസ്ഥാന യൂത്ത് ബാസ്‌ക്കറ്റ്‌ബോള്‍ ടീമിലിടം നേടിയ ബെന്യാമിന്‍ തോമസ് എന്നിവര്‍ ചടങ്ങില്‍ ആദരിച്ചു. യു.സി. കോളജ് പ്രിന്‍സിപ്പല്‍ ഡോ. പി.തോമസ് മാത്യു, പ്രൊഫ.തോമസ് കോശി, ജേക്കബ് ഫിലിപ്പ് എന്നിവര്‍ സംസാരിച്ചു.