മലപ്പുറം: ഉപതെരഞ്ഞെടുപ്പ് നടക്കുന്ന വേങ്ങരയില്‍ യു.ഡി.എഫ് സ്ഥാനാര്‍ഥിയായി കെ.എന്‍.എ ഖാദറിനെ മുസ്‌ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍ പ്രഖ്യാപിച്ചു. പാണക്കാട് ചേര്‍ന്ന മുസ്‌ലിം ലീഗിന്റെ ഉന്നതാധികാരസമിതി യോഗത്തിന് ശേഷമായിരുന്നു പ്രഖ്യാപനം.

നിലവില്‍ മുസ്‌ലിം ലീഗിന്റെ മലപ്പുറം ജില്ലാ ജനറല്‍ സെക്രട്ടറിയാണ് ഖാദര്‍. ഖാദറിന്റെ സ്ഥാനാര്‍ഥിത്വത്തെ തുടര്‍ന്ന് ജില്ലാ സെക്രട്ടറിയുടെ ചുമതല യു.എ ലത്വീഫിന് നല്‍കി. നിലവില്‍ സംസ്ഥാന സെക്രട്ടറിയാണ് യു.എ ലത്വീഫ്. നേരത്തെ വള്ളിക്കുന്ന്, കൊണ്ടോട്ടി നിയമസഭാ മണ്ഡലങ്ങളില്‍ നിന്നും എം.എല്‍.എയായി ഖാദര്‍ വിജയിച്ചിരുന്നു