ഭുവനേശ്വര്‍: സീഷോര്‍ ചിട്ടി തട്ടിപ്പ് കേസുമായി ബന്ധപ്പെട്ട് ഒഡീഷയിലെ ഭരണ പാര്‍ട്ടിയായ ബി.ജെ.ഡിയുടെ എം.എല്‍.എയെ സി.ബി.ഐ അറസ്റ്റ് ചെയ്തു. പ്രഭാത് ബിശ്വാല്‍ ആണ് അറസ്റ്റിലായത്. ചൗദര്‍ കട്ടകിലെ എം.എല്‍.എയാണിദ്ദേഹം.

സീഷോര്‍ ഗ്രൂപ്പുമായി 500 കോടിയുടെ ചിട്ടിതട്ടിപ്പ് നടത്തിയെന്നാണ് ബിശ്വാലിനെതിരേയുള്ള കേസ്. സീഷോര്‍ ഗ്രൂപ്പുമായി അനധികൃത ഭൂമിയിടപാട് നടത്തിയെന്നാണ് കേസ്. ചൊവ്വാഴ്ചയാണ് ഇദ്ദേഹത്തെ അറസ്റ്റു ചെയ്തത.് നേരത്തെ ഇദ്ദേഹത്തെ ഈ കേസില്‍ നാലു തവണ ചോദ്യം ചെയ്തിരുന്നു. കഴിഞ്ഞ നവംബറിലായിരുന്നു ചോദ്യം ചെയ്യല്‍. സാമ്പത്തിക തിരിമറികളും ഇടപാടുകളും അന്വേഷിക്കാന്‍ സുപ്രിം കോടതി ഉത്തരവിട്ടിരുന്നു.